Resultat veke 21 - Det begynner å bli pinlig

Sjåkkedårisei!

Kvar byrjar eg i dag, då?

Jo. Eg kan hoppe rett på vekta. Det er jo trass alt det einaste dykk bryr dykk om kjære lesarar. 

Dei fleste av dykk har sikkert allereie klart å gjette det, og det stemmer. 94 kg. 

Det virker som om det er der den har tenkt å bli. 

Men har eg trena denne veka då?

Jaaaaa. Det har eg!

Eg fann fram sykkelen veka før, og på søndag bestemte eg meg for å ta ein liten tur. Det viste seg fort for at turen vart litt lenger enn planlagt, og siden eg uansett hadde komme så langt på veg så endte eg opp med å sykle rundt heile Jølstravatnet.
Det var ein herlig, forfriskande og flott tur. Eg var i overraskande god form. I alle fall så var eg det heilt fram til siste mila. Då byrja eg å kjenne at eg var sliten.
Men eg kom i mål, og ikkje hadde eg den verste rundetida heller. Så no er låra og leggene mine i sjokk. Dei har bestemt seg for å vokse. Det er sikkert musklar. Eller mørbanka fett. Ikkje veit eg.

Så kva kan eg love til neste veke då? At eg skal gå ned ein kg? At eg skal bestige ein fjelltopp?

Tja. Kvifor ikkje. 

Eg lover at eg skal gjøre ein av delene. Så kan de av dykk som framleis les dette arrestere meg på dette neste veke. 

Resultat veke 20 - Den for##%" kneika.

What does the fox say - som ungdommen seier no for tida!

Ja. Velkommen tilbake til Franks slankeblogg. Evt Slankefrank sin blogg. Alt ettersom korleis man vrir og vender på det.
Eg starter med eit litt uklart bilete tatt på det nye badet vårt då blitsen gjekk av uten at eg hadde bedt den om å gjøre det. Ikkje så farleg, sia den tek fokuset vekk frå den halvnakne mannen ved siden av.

Korleis går det med vekta då? - Tenker du kanskje. Eller kanskje du lurer på kvifor eg ikkje blogga i går. Det var jo i går det var onsdag og greier. Grunnen er at eg forsov meg litt i går. Måtte springe ut døra for å rekke jobb. Då har ein ikkje tid til å posere framføre spegelen eller å vege seg. Det seier seg nesten sjøl.
Men kva veg du då? Spør du kanskje igjen. Og det skal eg fortelje deg.
Først er det jo sjølvsagt freistande å forklare at eg har vore ganske slapp den siste veka. Veldig slapp. Ikkje hatt energi til å byrje med noko, omtrent. Sikkert noko som går (håpar eg). I tillegg har eg vore i Bergen og feira 17 mai. Då vart det nokre øl her og der.
På sjølve dagen vart det både bløtkake og rømmegraut. Rett og slett ALT man ikkje må stappe i seg når man driv med slankeblogging på profesjonelt nivå.
Og hamburgeren på Royal Gourmetburger & Gin... Namnamnam! Hvilken fryd for både gane og... Ehm.. Tunge? Uansett. Mykje saltstenger, ect ect ect gjekk med i helga. Samt at eg har vore særs lite i bevegelse.

For ordens skyld så har eg vore på fjelltur med kona og Jostein Gabriel, og på mandag klarte eg det magiske kunststykke å rote fram sykkelen igjen. 

Det var kjekt å sykle. Eg skal gjøre det igjen. Må berre komme meg i form igjen først. 

(Og då meinar eg at viruset eller kva det no er som plagar meg må bekjempast)

Men ja. Vekta. Den var kommen opp i 94,5 kg. 

Det vil seie at den har auka litt igjen. Men slapp av. Det er tydeligvis ikkje meininga at eg skal klare å komme meg under den vekta der. Den store kneika, som dei seier. 

Resultat veke 19 - Berg og dalbane (sånn vektmessig)

Billabong!

Humøret er sjølvsagt på topp, men etter å ha levd godt på hotellfrukost, gourmethamburgere, bursdagsfester og tung kursvirksomhet i førre veke så hadde faktisk vekta mi gått opp 2 kg då eg kom heim i helga!
Heldigvis har eg gått ned igjen eit av dei denne veka, så eg er no 94 kg igjen.

Førre veke var eg på tur til fjells, og eg og kona gjekk på toppen av Grånibba. Den er sånn ca 1000 meter over havet, og vi gjekk i mykje terreng og snø.
Dagen etter var eg i Oslo og jogga. Eg har aldri jogga noko særleg før, men fann ut at det har eg plutseleg kondis til å gjøre no. I tillegg har eg trena mykje armer i det siste. Noko som forklare vektauka.
Som eg har nevnt tidlegare (og som alle andre gjør når det begynner å gå feil veg med vekta), så veg jo musklar meir enn fett. Og det MÅ jo være muskler eg har fått av alt snopet eg har spist den siste veka.

Bilete tatt på det nye badet (som snart er ferdig)

Ellers går vi framleis turar. Eg tek framleis situps, og lev eit elles normalt liv utanom dette.

Resultat veke 18 - Full speed ahead!

Denne gangen blir det en kort blogg. Eg er i Oslo på kurs, så eg har ikkje pakka med meg badevekt i kofferten. Men eg trener omtrent kvar dag på 3d-mølle (som eg trudde det hette då eg var ung), og har til og med boksa litt.
Så eg satser på at neste vekes resultat blir POW-WOW-WAKKA-WAH-WAH osv osv.....