Oversikt veke 51 - God Jul!

Ho, ho, ho!

Jula kom snikende i år og, og eg må komme med ein innrømmelse. Eg blogga ikkje i forrige veke. Eg hadde tenkt å gjøre det, men så gadd eg ikkje. Rett og slett. Har blitt lat på mine eldre dager. Sånt kan skje. Så kva kan eg rapportere frå dei siste dagene?

Eg har vore forkjøla. Ganske lenge. Nesten to veker, sånn ca. Skikkelig seig forkjølelse. Så det har blitt lite trening. Ellers kan eg melde at sist eg sto på vekta var den 95 kg, og at det sjølvsagt ikkje er bra. Menmen. Det får være. No er det jul, og då skal det etast!

Apropos det, så har eg vore på skitur i dag. På sjølvsagte 24 desember. Det heiter strengt tatt ikkje julafta eller julekvelden før på kvelden, så eg veit ikkje kva eg skal kalle dagen. 

Dette er den andre skituren denne veka, så eg tykkjer eg har vore flink. Har vore på totalt 5 skiturer i heile år, og 3 av dei  har vore på slutten av året. Det var jo ikkje snø forrige vinter. Sikkert den nye regjeringa si skuld. Så målet for neste år er å få gått litt meir på ski. 

Apropos film, så fekk eg denne i "julegåve" av Google+, Eg håper at dykk vil sette like lite pris på den som eg har gjort,  og at de vil tilgje at eg ikkje blogga i førre veke. Då var eg 94 kg og like blid. 

Årets juletre var eit artig tilfelle av tilfeldigheter. Det var ei gran som gav etter for presset då snøen vart for tung, og som knakk rett foran oss då vi var på skitur. Planen vår var å finne eit juletre når vi var ferdig med skituren som vi skulle ta med oss ned igjen, så vi hadde både sag og tau i sekken. 

Så då fekk vi kappa det litt og slept det med oss ned igjen. Då har vi god samvittighet for at vi ikkje har drept noko tre i år (grisen til svineribba er det verre med), og vi har fått eit flott lite (litt spinkelt, men dog sjarmerende) tre inn i stova vår. 

Og med dette treet, og verdens søteste Jostein Gabriel så vil eg ønske alle slankebloggfølgarane mine ei riktig god jul! Huska at julematen skal man nyte, så drit i slanking og sånt tull no i slutten på desember ;)

Resultat veke 49 - Ned i vekt

Olá a todos! Bem-vindo à minha magia magro do blog!

Hei allesammen! Eg blogga ikkje i går, eg. Rart det der. At ein skulle bli slurvete på slutten av slankebloggåret, var det vel få som hadde forventa. At eg har gidda å slankeblogga meg heilt ut i desember, var det vel heller ingen som trudde. Evt så var det mange som trudde det, men ikkje eg.
Men kva nytt har eg å melde i dag då? Eg har gått ned ein kg! Dette er i samband med jula, og kor mykje pinnekjøtt eg har tenkt å ete første juledag. Så no er eg heile 93 kg. 93 kg, ladies & gentlemen! Ja. Kva kan eg seie? Jo. Altså. Eg har farta mykje rundt i det siste. Til og med vore i Oslo 2 gonger i løpet av ein mandag, og eg har sove ytterst lite. Eg har lagt gulv!

I tillegg har eg vore på sirkeltrening, men det har eg ikkje bilde av no. Så har eg blitt litt småsjuk. Sikkert fordi eg var vaken i 22 timer på mandag. Men eg håper at det gir frukter. Meir om dette kan eg sikkert skrive neste veke. Uansett så har eg vore i Oslo i helga!

 Her har eg feira jul med den delen av familien som skal reise til New Zealand eller Australia i jula. Kanskje feil å bruke "eller", skulle kanskje ha retta det til "og", siden dei skal begge plassar. Uansett, så vart flyet til Sogndal kansellert, og eg og kona måtte tilbringe ei ekstra natt på Gardermoen. På flyplasshotellet er det meget tørr luft, så eg fekk ikkje sove lenger enn til klokken 3 om natta. Dagen etter flaug vi til Sogndal og henta bilen. Vel heime rakk eg å ta eit bad og å spise lunch før eg satte kursen mot hovudstaden igjen. Der var eg på jobbintervju. Korleis det gjekk, og kven det var med skal eg vente med å fortelje. Det kan jo faktisk hende at eg ikkje får jobben. Men ja. Eg håper at eg får den, naturlegvis. Noko anna ville jo ha vore merkeleg. 

Men ja. Eg har lagt gulv. I rommet eg har malt og styra på med dei siste vekene. Eg tykkjer det begynner å bli bra. Eg har ikkje fått satt opp lister enda, men det skal vi få ordna. 

Jostein Gabriel har til og med fått sin eigen kosekrok.under trappa. Her driv han og tester den ut. 

Uansett så trur eg at det blir eit koseleg rom når eg har fått orden på listene og dørslaget. Ikkje dørslaget. Det er noko anna, men dykk skjønner kva eg meiner. 

Men sjølv om eg ikkje blogga i går, så har eg i det minste teke bildene i går.  Det må jo telle for noko, eller?  Vekta er og den samme som i går. Så det er eit bra teikn.

Men ja. No må eg legge meg snart. Er særs sliten i dag. 

God natt, folkens!

Resultat veke 48 - Saft suse

Yo-ho-ho!

Ja. No er det tredje desember og eg har allerede motteke første julepresang. )Takk for det, Siren).
Siden alt dykk bryr dykk om er vekta, så får eg ta den først. Den er 94,5 kg. Altså. Eg har lagt på meg. Noko kanskje bildet viser. Men eg har gode unnskyldninger, altså. Eller. Eg veit ikkje om dei er så gode, men eg kan jo prøve å late som. Men eg har i det minste vore på sirkeltrening igjen, da. BÅDE i dag og på mandag. Dette begynner å ta seg opp. Ellers har eg vore flink med malerkost (men ikkje så flink med sparkelen), og eg har vore på jobbintervju. Planen er å få meg fast jobb, faste rutiner og å bli sunn igjen. Er litt lett å dette ut av gode rutiner når ein berre har ein deltidsjobb med særs varierende arbeidstider.

Eigentleg hadde eg planer om å ikkje stå i bar overkropp i dag når eg tok bildet, men eg endte opp med å flerre av meg tskjorta likevel. Kva gjør ein ikkje for sine faste lesarar?
Uansett. Eg har vore på sirkeltrening igjen, og der har eg trena. Men det har eg jo allerede sagt. Herregud så kjedeleg denne bloggen skulle bli på slutten av året.... Ein skulle nesten tru at eg skulle kunne klare å oppretthalde underhaldningsnivået når eg berre har 3-4 veker igjen, men dengang ei. Mogleg eg skal blogge tidlegare på dagen, og ikkje seint på kveld slik som no.....

Oversikt veke 47 - Snart jul, seier du????

Ho-Ho-Ho (Too soon?)

Planen min var å blogge på onsdag, men så gløymte eg det fullstendig då eg var travelt oppteken med å male vegg, sparkle vegg, vaske gulv og støvsuge huset. Sånn går det når ein bestemmer seg for å gjøre husarbeid.
Men eg fekk reist på sirkeltrening igjen, då. Om ikkje anna. Vekta er den samme som før. Som den sikkert kjem til å forbli på, kan det virke som. Men ja. Det er ingen grunn til å henge med leppa av den grunn.

Sirkeltrening, seier du. Og klør deg lett i hovudet. Ja. Sirkeltrening. Eg har skreve litt om kva det er for noko her: (Klikk her for link)
Så no har vi begynt der igjen. Eg og kona mi. Ho driv forresten med pynting av heimen til jul. Noko eg kanskje burde ha bidratt med, men av ein eller annan merkeleg grunn klarte eg å snike meg opp i andre etasje og ho har ikkje ropt på meg enda. Kanskje ho har gløymt at eg er her. Eller så er ho rasande fordi eg ikkje har hjulpe til med julepynten. Eg anar ikkje.
Kanskje det hadde vore interessant for dykk blogglesarar å sjå kva ho har gjort? Eg vel å ta sjansen på å luske meg ned i første etasje og sjå om eg klarar å ta nokre bilete. Om eg ikkje har skreve meir på bloggen min, så veit de kva som har skjedd. Kom forresten på at eg gløymde å legge ut bilete av meg sjøl i bar overkropp, samt å nevne vekta (94 kg). Så da gjør eg det.

Men ja. I dag har vi plukka pinne nede ved vatnet som no har blitt krølla inn med lampe, og pynta med julekuler. Julestjerna er på plass, og vi har plutselig fått masse røde puter i huset.

Her er julekalenderen min, som Ingrid har laga til meg. Håper den ikkje utelukkande består av potetgull, for då vil hjernen min eksplodere av glede.

Det kvite albumet er "The White Album" frå pop/rockegruppa The Beatles.

Men ja.

Eller kan eg fortelle at eg har vore på julebord (skreiv eg det tidlegare?), på jobbintervju og litt andre trivielle ting. Eg har til og med hengt ut med André Henden. Eller Andrè. Er litt usikker. Og så har tilbragt ein heil laurdag i ein sofa. Digg det og, for å være ærlig. Men ja. No gidd eg ikkje skrive meir, for eg skal spise middag! Yay!

Vi? Vi koser oss på hotell, vi..

Et bilde publisert av Frank Anders Borch-Åmot (@frankanders) Nov. 11, 2014 at 10:57 PST

Oversikt veke 46 - Ingen blogg på onsdag

Hu-hei!

Ein fast lesar hadde sikkert lagt merke til at det ikkje kom noko innlegg på slankebloggen min på onsdag. Men ingen har sagt noko. Merkeleg. Uansett. Eg har vore på reis. Derfor fekk eg ikkje blogga. På onsdag var eg i storbyen London (England, Storbritania), og surra rundt. Då gadd eg ikkje å blogge. Dessuten har badevekter i England eit anna system. Ikkje berre køyrer dei på feil side av vegen, men dei har sitt eige målesystem som ikkje gir meining i det heile. Dei opererer med pounds, stones og sikkert kjepp og (eg har ikkje sjekka). 

Uansett så er eg i Bodø akkurat no, og her har dei heller ikkje utstyrt hotellrommet med badevekt. Typisk. Men eg har sikkert lagt på meg, for eg har kosa meg masse i det siste! Det har blitt mange burgere, og eit par øl når eg har vore på konsert.

Eg har fått med meg 2 (!!) konserter med And You Will Know Us By The Trail Of Dead på 2 dager. Ny personleg rekord. Det blir da den 6 konserten eg har vore på med dei. Gøy.

Plata IX er no ute, og kan kjøpes der du kjøper plater.

Men ja. Eg veit ikkje vekta, eg har heller ikkje trena så mykje. Men eg har trakka rundt masse, da. Og så har eg reist masse. Eg har til og med vore i Tromsø. Ikkje småtterier.
Men ja. Eg beklager at eg nok ein gong tek ein snarveg i dagens blogginlegg, men eg skal prøve å skjerpe meg neste veke. Om det er greit.

Oversikt veke 45 - På reisefot

Hoppsannsa!

Eg gløymte å ta bilde/blogge i dag tidlig. Det har med jobb å gjøre. Evt at eg ikkje orka. Ein av to. Uansett. Det går som det suser om dagen. Eg vakna i Trondheim i dag tidlig, og no sit eg på eit hotell innpakka i ullsokker, pysj og kosegenser (takk til Merete for gaven) og blogger i siste liten før eg skal legge meg. Vekta aner eg ikkje kva er, men eg håper den er sånn ca nokonlunde det den plar være... Uten å kunne stadfeste dette 100%. 

Sjølv om eg nok ein gong har ete kake. Vart kake på søndag. Eg vart trass alt heile 34 år på tirsdag. Men då var eg i Trondheim. Så i stedet for å sitte aleine på eit hotellrom og trøkke i meg bløtkake aleine medan eg høyrte på Withney Huston, så var eg på eit koselig spisested som heitte Ramp Pub og Spiseri sammen med Thomas.
Det var koselig og alt det der, men sikkert ikkje sunt. Menmen. Ein kan ikkje alltid ta hensyn til slankeblogging heller. I allefall ikkje når ein har bursdag. 

Men ellers farter eg land og strand rundt i ein liten Mini Countryman.... Og ja. Det er jo gøy. 

Men no må eg legge meg. Sliten og trøtt. 

Har jogga i det minste.

Oversikt uke 44 - Mini Countryman

 Bombombom, bombombadilla life

Hei Sveis! Velkommen til min slankeblogg. I dag er det onsdag, og eg har ikkje peiling på kva eg veg. Det einaste eg kan love dykk er at eg sannsynlegvis er mindre enn 200 kg.

I dag vakna eg opp i Kristiansand. Ein by kjent for mykje rart, men ikkje for å ha badevekter på hotellromma sine. Så derfor veit eg ikkje vekta mi. No sit eg forresten på eit hotellrom i Stavanger. Ein flott by det og. Eg har nett vore nede på treningsrommet og jogga. Det må jo gi plusspoeng i slankebloggeboka, eller kva?

Kva ellers har eg gjort, tenker kanskje du... Og det kan eg jo alltids forklare. Eg har vore heime og styrt litt på med oppussing og sånn, og så har eg vore på jobb. Det er den korte versjonen. 

Den lange versjonen er at eg skal køyre rundt over det ganske land i denne bilen. Ein Mini Contryman. Kanskje eg skulle nytte høvet til å gi ei slags tilbakemelding/anmeldelse av bilen?

Nei... Det gidder eg ikkje. Men den er kul, da =) Sjøl om eg og produsentane av radioen har litt forskjellig oppfatning av ordet brukervennlighet. Korleis det er mogleg å lage ein bilradio så komplisert og lite logisk står for meg som like logisk som stortingsvalget 2013. WHAT WERE YOU THINKING? Eg brukte 30 minutter av min lunch på å forsøke å få dabradioen til å søke inn kanaler. Kvifor eg ikkje brukte FM? Fordi P13 er ein DAB+kanal. Uansett. Bildet under forklarer litt om brukervennligheten til bilradioen, og korleis den fungerer i praksis. 

Men no skal eg sette meg ned og sjå på tv. Eg ser på Kampen For Tilværelsen på NRK. 

Oversikt veke 43 - Eg har ikkje gløymt å blogge, altså!!!!

Halla'

Aaargh «#¤#»T»¤&! No trur dykk kanskje eg lyg, men eg hadde begynt på eit lengre blogginlegg der eg eigentleg starta med å fortelje dykk at eg hadde mykje på hjartet. Så skreiv eg litt om at vekta mi overraskande nok var på heile 94 kg, og eg gjekk deretter inn på ein sarkastisk utgreiing om kor overraskande dette faktisk var. Så tenkte eg å informere dykk om kva som var årsaka til at eg har gått opp igjen frå 93 kg, som eg påpeika at den meir observante lesar allereie hadde fått med seg. Det heile fortona seg i ein særs morosam tekst, som på ein eller annan måte forsvann då eg oppdaga noko rot med fonten som ikkje lot seg ordne. Så eg måtte begynne heilt på nytt. Og det er vanskeleg å være like morosam når ein skriv ting to gonger. Likevel har eg mykje på hjarta denne veka, og eg lyt skunde meg å få plotta det ned før klokka blir 0:00 og det ikkje lenger er onsdag.

Så kva har skjedd? Kvifor har eg gått opp i vekt?
Jo, eg vel å legge skulda på denne kaka her:

Dykk skjønner det at for to år sidan gjorde eg noko eg aldri har gjort før. Eg gifta meg med Ingrid. Og visstnok er det slik at når ein giftar seg, så lyt ein feire dette med hjortekjøtt, raudvin og kake.

(Foto: Vegard Fimland)

 Sjølvsagt veit jo alle som driv med slanking og/eller slankeblogging at kake er noko ein helst skal halde seg unna om ein skal gå ned i vekt, og det har eg ikkje gjort denne veka. Det er derfor eg vel å legge all skuld på kaka. Eg trur ikkje chipsen, sjokoladen eller alle bakevarene eg har ete tidlegare i veka har noko med saka å gjøre.

Elles kan eg melde av vi har byrja å brygge igjen! Hittil denne veka har vi brygga heile 2 brygg (!). Dvs. Det var Ingrid som brygga det eine heilt aleine. Kudos!
Av masken (det som er igjen av malten etter meskinga) har eg baka brød. Det smakar heilt himmelsk!

For dykk som likar brød (og denslags), så kan dykk få oppskrifta her:

Oppskrift på brød:

Stapp 550 g speltmel/kveitemjøl (om du toler denslags) i ein bolle
Tilsett ca 100 g mask (evt tilsett 450 g mel og 190 g mel av ein grovare type om du ikkje har mask)
Kjør på med ca 5 dl vatn
Stapp oppi 3 ts salt
Kjør oppi 3/4 teskje med tørrgjær

Rør sammen røra i ein balje, og legg på lokk. Du kan evt legge over plastfolie og/eller eit kjøkkenhåndkle. La deigen stå i 12-24 timer.
Brødet skal steikes i ein Romertopf. Denne legg du i vatn i ca ti minutter før du stappar den i ovnen og setter den på 250 grader. I mellomtida sleng du deigen på disken over noko mjøl. Klask litt på den, og brett den saman nokre gonger og sørg for at den er dekka i nyt mjøl.
Når ovnen er varm nok (min seier pling), så tek du ut leirgryta og slenger deigen oppi. Deretter set du på lokket og lar den stå i ca 45 minutter (tida kan variere då det kjem an på ovn, gryta ect ect). Når den har stått så lenge tek du av lokket og lar den stå ei stund til uten lokk. Er du heldig, har den ikkje svidd seg fast i botnen.

Sjekk om brødet er ferdig. Om ikkje, så lyt det steike litt lenger. Eg prøver å finne ut kor lenge det bør stå, men det er ikkje lett. Eg hadde btw litt honning på toppen av mitt. Det gir litt glans og smak til brødet. Liker du ikkje honning, drit du sjølvsagt i dette. Eg innser jo no at eg skulle latt brødet steike lenger på svakere varme. Det vart ikkje heilt ferdig. Kanskje lurt å ta på honningen etter at brødet har steikt under lokk ei stund, då det såg ganske godt stekt ut pga honningen... Men ja. Ein lærer så lenge ein lever.
Bon apetitt!

Såh! Jah. Kva no?
Jo. Om ca 2 veker har eg bursdag. Ikkje nokon stor dag, men eg blir heile 34 år. I det høvet så tenkte eg å legge ut eit bilete av noko eg ynskjer meg til bursdagen:

Ei magnetfjøl som held knivar!!!!

Ja. Du såg rett. Ei fjøl. Med magnet i, som ein kan henge knivar på. Det likar eg. Så om du er i kjøpemodus, og ynskjer å støtte favorittslankebloggaren din så veit du kva du skal kjøpe!

Elles har eg hatt nokre utfordringar når det gjeld store mengder nedbør og båthuset mitt, men av respekt for alle som har mista både hus, bil og alt som det innebærer så skal eg la være å sutre over det her. 

Så med det seier eg takk for meg, og god natt. No skulle eg ha smakt på det nybakte brødet mitt men klokka har blitt så mykje at det ikkje er forsvarleg å ete så seint på kvelden. Mogleg eg gjør det likevel. You will never know! Muhahahahaha!